Mumbai-in Bangalore kawng an sialsak

Indian Premier League-ah table mawngphaha awm Mumbai Indians-in Delhi Capitals an hneh a, Royal Challengers Bangalorein playoff an khelh theih phah. May 24, Thawhlehni zan hian Qualifi er 1-ah Gujarat Titans leh Rajasthan Royals te an inkhel ang a, Lucknow Super Giants leh Royal Challengers Bangalore ten May 25, Nilaini zanah Eliminator an khel ang.

Thawnthu ngaihnawm
Kar liam ta Ningani zan khan Royal Challengers Bangalore chuan pakhatna dinhmun hauhtu Gujarat Titans chu wicket riatin an hneh a, tun season-a khel ṭha tawk lo Virat Kohli-a'n 73 runs tehmeuh a siam. Bangalore hian hnehna chang mah se playoff khel turin vanneihna an
mamawh - Mumbai Indians-in Delhi Capitals an hnehsak a ngai. 

Inrinni zan khan Wankhede Stadium-ah Delhi leh Mumbai an inkhel a, ṭhum vawra vannei Mumbai-in vawm hmasak an thlang. Rohit Sharma hoten beisei tur nei tawh lo mah se chak tumin an khel a, bowler ṭha mi Jasprit Bumrah-a'n wicket thum (25/3) a la.

Delhi tan Rovman Powell (43) leh Rishabh Pant (39) te an khel ṭha a, amaherawhchu thlawptu ṭha an neih loh avangin 159/7 runs an siam. Mumbai Indians tan target harsa a ni lo a, beisei pha lo Ishan Kishan-a'n a theihna rawn lantirin 48 runs a siam. Dewald Brevis (37) leh Tim
David (34) ten 30 runs chung lam an siam zarah over 19.1- ah 160/5 runs siamin hnehna an chang. Delhi-in hun ṭha an bawhpelh zarah playoff khel turin Bangalore an tling.

Playoff chu
IPL-ah hian sang paliin playoff an lut a, semifi nal a ni nghal ngawt lo. A sang pahnihin qualifier 1 an khel a, Gujarat Titans leh Rajasthan Royals te an inhmachhawn dawn. Royals hian qualifier 1 khel turin Zirtawpni zan khan Chennai Super Kings an hneh.

Qualifier 1-a chak hian fi nal an lut nghal a, an chak lo a nih pawhin eliminator-a chak zawk nen final khel tur an la zawng leh dawn. Eliminator-ah hian pathumna Lucknow Super Giants leh palina Royal Challengers Bangalore te an inkhel ang.

Playoff
Qualifi er 1 - May 24, Thawhlehni
Gujarat 7:30 PM Rajasthan
Eliminator - May 25, Nilaini
Lucknow 7:30 PM Bangalore
May 20, Zirtawpni
Rajasthan Royals bt Super Kings
Rajasthan Royals wicket ngain an chak
Chennai Super Kings 150/6 (20)
Moeen Ali 93 (57)
Obed McCoy 20/2 (4)
Rajasthan Royals 151/5 (19.4)
Yashasvi Jaiswal 59 (44)
Prashant Solanki 20/2 (2)
May 21, Inrinni
Mumbai Indians bt Delhi Capitals
Mumbai Indians wicket ngain an chak
Delhi Capitals 159/7 (20)
Rovman Powell 43 (34)
Jasprit Bumrah 25/3 (4)
Mumbai Indians 160/5 (19.1)
Ishan Kishan 48 (35)
Shardul Thakur 32/2 (3