Hmeichhe European champion Lyon

Europe hmeichhe club tana inelna sang ber Champions League final-ah Lyon chuan rinkai Barcelona chu 3-1 in an hneh a, an champion.

Final hi Inrinni zan khan Turin-ah khelh a ni a, Lyon tan minute 33 chhungin Amandine Henry, Ada Hegerberg leh Catarina Macario ten goal an khung. First half tawp hma hretin hmeichhe Ballon d'Or kawltu Alexia Putellasi'n siphurh sut ṭhen mah se goal dang a luh belh tawh lo.

French club Lyon hian vawi riat nomawi an chawi tawh a, record nei ṭha ber niin Frankfurt (4), Umea (2), Wolfsburg (2) leh Turbine Postdam (2) ten an dawt a ni.