Miami an sang leh hret

NBA Eastern Conference finals khelh laiah Miami Heat dinhmun a ṭha leh ta hret. Nimin zing inkhelah Heat hian Boston Celtics chu 109-103 in an luhchhuah a, best of seven seriesah 2-1 in hma an hruai.

Game hmasa pahnihah Bam Adebayo a khel ropui tawk lo, game 3-ah erawh Adebayo hian point 31 a neih bakah rebound vawi 10 lain assist vawi ruk a nei bawk - Miami Heat chak theih nana thawh hlawk leh che ṭha ber a ni chiang hle.

Heat coach Erik Spoelstra chuan, "Adebayo hi chuan min chakpui turin theihna a nei. Team tana theihna zawng zawng hlan ṭhin a ni a, kan khelh hmabak hoah pawh player ṭangkai a ni zel ang," tiin a sawi.

Tukin hian Western Conference finals an khel dawn. Dallas Mavericks mualah Golden State Warriors an lenglut ang, GSW hian series-ah 2-0 in hma an hruai mek.

Eastern Conference Finals
Game 1: Miami Heat 118 - 107 Boston Celtics
Game 2: Miami Heat 102 - 127 Boston Celtics
Game 3: Boston Celtics 103 - 109 Miami Heat
May 24, Thawhlehni
Game 4: Boston Celtics 06:00 AM Miami Heat
(Miami hian series-ah 2-1 in hma an hruai)
Western Conference Finals
Game 1: Golden State Warriors 112 - 87 Dallas Mavericks
Game 2: Golden State Warriors 126 - 117 Dallas Mavericks
May 23, Thawhṭan
Game 3: Dallas Mavericks 06:30 AM Golden State Warriors
May 25, Nilaini
Game 4: Dallas Mavericks 06:30 AM Golden State Warriors
(Golden State hian series-ah 2-0 in hma an hruai)
Note: Best of seven series hmanga chak zawk zawn a ni a, chak
turin game li lak a ngai. Game hmasa pali fi xture tihlan phawt a ni.)