RB Leipzig hun a thleng ta

DFB Pokal-ah RB Leipzig chuan fi nal-ah SC Freiburg penalty hmangin an hneh hram a, an club history-a a vawi khat nan German Cupah an champion. 

Inrinni zan khan Olympiastadion Berlin-ah final hi khelh a ni a, minute 19-naah Maximilian Eggestein-a'n mawi zetin Freiburg tan a khung. Goal luh hma hian ball-in Freiburg forward Roland Sallai kut a per a, Leipzig player-te an lungawi lo hle.

Team ṭhazawk a ngaih Leipzig an talbuai a ,defender Marcel Kalstenberg-a'n Freiburg forward Lucas Holer chance ṭha nei tur a pawtthluk avangin hnawhchhuah a ni a, Leipzig dinhmun a chhe ta zawk.

Minute 76-naah Leipzig winger  Christopher Nkunku-a'n Willi Orbán-a bal tauh chu a tlawh lut a, 1-1 a ni. Player 10-a khel Leipzig-in beiseina thar an neih phah.

Minute 90 chhungin goal dang a luh belh lo a, extra time-ah pawh goal hmuh tur a awm chuang lo. Extra time minute 118-naah Kevin Kampl chuan yellow card a hmuh nawn avangin Leipzig-in player pakuain an khel tluan.

Penalty shootout-ah Leipzig aiawha petten an khung vek laiin Freiburg aiawha pet Christian Gunter leh Ermedin Demirovic ten an khung lo a, Leipzig 4-2 in an vannei.