Lunglei Fight Night a hlawhtling

Lunglei District Boxing Association buatsaih CK Hyundai Lunglei Fight Night chu Zirtawpni zan khan a hmawr bawkna neih a ni a, tluang takin inelna hi zawh a ni. 

Inelna tawp zan hian senior men's category fi nal pali neih a ni. 45-51 kg-ah Rahsi Veng tlangval F. Lalhruaitluanga chuan unanimous decision-in HC Lalnunmawia, Zohnuai a hneh.

Franky H. Vanlalruatpuia'n 51-57 kg-ah unanimous decision thoin Laldinsanga a hneh bawk.57-65 kg-ah Laldinsanga'n Saidingliana Sailo a hneh a, 65-75 kg-ah Haulawng tlangval Lalnunzira'n PC Remruatdika a hneh bawk. Dinsanga leh Nunzira te hi unanimous decision ve vein an chak.

Fight Night-ah hian boxer 65 an tel a, category hi Sub. Junior Boys category pathum bakah Junior boys category pahnih leh senior men's category pali-ah te ṭhen a ni.

Sub Junior-ah LH Vanneihtluanga, College Veng (30-34kg), Zonunsanga,  eiriat (34-38kg) leh J. Vanlalruatfela, Rahsi Veng (42-49kg) te an champion tawh a, Junior-ah Emmanuel Lalhriatrenga, Chanmari (48-52kg) leh Lalhruaitluanga, Model Veng Hnahthial (52-56kg) te an champion tawh bawk.