Kane 3 - 0 Fulham

Tottenham Hotspur-in FA Cup quarterfinal lut turin Fulham 3-0 in an hneh a, Craven Cottage-ah Harry Kane-a'n hattrick a siam.

Spurs-in Champions League-a Belgian club Gent laka an mualpho hnuah Pathianni zan khan Fulham an hmachhawn a, Argentine coach Mauricio Pochettino-a'n an ṭhat dan berin player a rem.

Tottenham an chung­nung a, Danish midfielder Christian Eriksen leh Eng­lish midfielder Dele Alli te chu a siamtu ni­in captain Kane chu a tawp khartu a ni. English forward Kane hian kum­inah inelna hrang hrangah match kua khel tawhin goal kua a khung.

Tottenham boss Mau­ricio Pochettino chuan, "Ṭan phat aṭanga nung taka kan nawr nghal theih avangin ka lawm hle a, match hnih a zawna kan chak loh hnua kan chak leh tak avangin ka lawm bawk," tiin a sawi.

Spurs hian February 23, Ningani zan dar 1:30 hian Wembley Stadium-ah Gent an mikhual ang a, away goal an neih loh avangin goal hnih tala a chak a ṭul dawn a ni.