Nishikori barakhaihtu Dolgopolov

Argentina Open-ah seeded pa­khatna Kei Nishikori chuan final-ah Alexandr Dolgopolov chu darkar khat leh minute 40 chhungin 7-6 (4), 6-4 in a hneh lo.

Dolgopolov hian ATP singles title pathum a lakna chiah a ni a, tun hnai kum nga chhunga a nomawi hmasa ber a ni bawk. Ukrainian star hian Japan tlangval nen vawi ruk an inhmachawn tawhah vawi khat hnehna a chhan ve lehna chiah a ni.

Kum 28-a upa Dolgopolov chuan "Ka tan chuan chawlhkar duhthusam a ni. Match nga ka khelh aṭangin set ka hloh miah lo a, a vawi khat nan Nishikori ka hneh bawk. Mipui ṭawiawmna ka dawn ṭhat bawk avangin a nuam takzet," tiin a sawi.

World number 5 Nishikori hian singles title 11 a nei tawh thung a, heng zinga pahnih hi clay court-ah a ni. Tunkar chhunga khelh tur Rio de Janeiro Open-ah pawh Nishikori hi seeded pakhatna a ni leh ang.