Mohun Bagan legend a thi

India leh Mohun Bagan legendary goalkeeper Shibaji Banerjee chu Thawhṭanni khan lungphu chawlin a thi. Shibaji hi kum 68-a upa niin a nupui leh a fapa a kalsan a ni.

Mohun Bagan tana season 11 chhung khel keeper hian inkhelh a chawlhsan hnuah pawh Mariners tan tha a la thawhhlawk hle a, club technical committee-ah amah ang thoa Bagan tana khel ṭhin Compton Dutta leh Satyajit Chatterjee te nen awmhoin 2015-a I League nomawi an chawina kawngah an thawhhlawk hle.

Shibaji Banerjee hian a vanglaiin kum 1972-1981 inkarah India first choice keeper dinhmun a chelh thei. Kum 1977 khan Bagan leh Pele khelhna New York Cosmos an inhmachhawn ṭumin Pele goal shot ṭha zet chu mawi takin a dang a, tun thlengin Indian football-ah Shibaji ball dan hi sawi a la ni ṭhin. Bagan legend hi penalty dan theih vangin hriat a hlawh hle bawk.