I League U18 Aizawl FC Vs Neroca

Vawiin chawhma dar 10 hian JRD Tata Sports Complex-ah Aizawl FC U18-in I League U18-ah Manipur club Neroca an hmachhawn dawn.

AFC U18 hian an match hmasa bera Pride Sports 5-0 zeta an sawp hnuin TATA Football Academy nen goal awm loin an inhnehtawk. Group khat aṭangin pakhat chauhin final round an lut dawn a, team pali hi vawi hnih ṭheuh an inkhel kual dawn. TFA hian Neroca hi 3-1 a an hneh tawh avangin Mizo club tan chak ngei a pawimawh ang.