Mizoramin gold pakhat la ; Asian Games atan kawng inhawng

National Senior Kyorugi & Poom­sae Taekwondo Champion­ship vawi 35-na chu February 19 khan Visa­khapatnam-ah khelh zawh a ni a, Mizoram team chuan gold pakhat bakah silver pahnih leh bronze pali an la. Mizoram tana medal latute hian 2018 Asian Games inbuatsaihna National coaching camp zawm tura kohna an dawng nghal.

Poomsae mixed pair-ah R. Lalchhandama, Mission Vengthlang leh Lalhlimpuii, Chawnpui te chuan Sikkim khumin gold medal an dawng, kum 30 chunglam inelnaah hian preliminary round-ah chuan pair 32 zet an inlan.

Taekwondo Poomsae inelna dangah Catherine Lalhruaitluangi, Republic Vengthlang leh Daniel Lalhumthanga, Chhinga Veng te ṭang dun bakah Vikas-a chuan U87kg category-ah silver a la. Lalramdinthara, Jitender Kumar, Lalhlimpuii leh Poomsae Team ten bronze medal an la bawk.

Mizoram team hi Joseph Thansanga (Head of Team), F. Lalṭan­puia (Manager), R. Lalchhan­dama & Joseph Lalsiama (Coach) ten an hruai a, vawiin hian Aizawl an lo thlen beisei a ni.

Mizoram tana medal late
Gold
R. Lalchhandama & Lalhlimpuii, Poomsae Mixed Pair
Silver
Vikas, Under 87kg
Catherine Lalhruaitluangi & Daniel Lalhumthanga,
Poomsae Mixed Pair
Bronze
Lalramdinthara, Under 58kg
Jitender Kumar, Under 67kg
Lalhlimpuii, Poomsae Individual
Catherine, Lalhmangaihthangi, Lianthangpuii, Poomsae Team