Virat Kohli leh Puma inremna a tam

India cricket captain Virat Kohli chuan Puma nen thawkdun turin vaibelchhe 110 hu contract kum riat chhung atan a ziak a, Indian infiammi zinga brand pakhat chauh tana vaibelchhe 100 chuang man hu contract ziak hmasa ber a ni.

German company hian Kohli a pual bikin sports lifestyle product siamin logo hranpa an siam ang a, Kohli hi inzawrh nan an hmang dawn a ni. Kum 28-a upa batsman hian kum riat chhung chu kumtin Puma hnen aṭang hian vaibelchhe 12 aṭanga 14 inkar vel a dawng ziah ang a, brand in an hlawkpui dan a zirin hlawkpuina dang tel tur pawh awmthei turin an ruahman bawk.

Kohli chuan, "Puma-in thawhpui a lo neih tawh mi ropui tak tak zinga ka tel thei hi ka lawm takzet a. Vawiina infiammi kan neih ropui zinga mi Usain Bolt mai bakah tun hmain mi ropui Pele, Maradona, Thierry Henry leh infiammi ropui tak tak an lo thawhpui tawh ṭhin a ni," tiin a contract thar vanga a hlim thu a sawi.