Toto Wolff leh Niki Lauda an nghet
Mercedes Formula 1 boss Toto Wolff leh non-executive chairman Niki Lauda te chuan kum 2020 thleng an hna ngai thawk chhunzawm turin contract thar an ziak.
Wolff leh Lauda te contract ziah chen chiah hi Mercedes-in Formula1 inelna huanga inlan tura contract an neih lai nen a inchen. Kumina aṭanga Liberty Media thuneihna hnuaia awm F1-a Mercedes team dinhmun zel tur chu kum 2020 thleng bak a chiang tawh rih lo.
Wolff hian kum 2013 February thla khan Williams aṭangin Mercedes hi a zawm a, tunah hian neitu nihna 30% zet a nei tawh. Lauda hian kum 2012 aṭang khan non-executive chairman dinhmun hi luah ṭanin 10% neitu nihna a nei thung.
Formula 1 team champion Mercedes hian world champion a nih aṭanga ni nga hnu leka chawl ta Nico Rosberg hmunruak luah turin Valtteri Bottas an lalut fel tawh a, season tharah chuan Lewis Hamilton leh Bottas ten Mercedes car an khalh dawn tihna a ni.