Bayern-ah Neuer a nghet

Bayern Munich captain Manuel Neuer chuan Thomas Muller hnung zuiin a contract a pawtsei. Germany captain Neuer hian kum 2024 thleng contract a pawtsei.

Bavarians sporting director Hasan Salihamidzic chuan, "Kan thil tumte kan tihhlawhtlin theih nan hmun pawimawh a chang chhunzawm ang," tiin Neuer-a'n hmun pawimawh a chan tur thu a sawi.

Neuer hi kum 36 mi a ni tawh a, contract a hman zawh chuan kum 38 a ni tawh ang. German keeper chuan, "Bayern tana ka khel chhunzawm thei hi ka lawm. Team ṭha tak kan ni a, nomawi chawi theih zawng zawng chawi kan tum dawn. Goalkeeper, captain leh hruaitu ka nihna angin kan tum kan tih hlawhtlin theih nan theithawp kan chhuah ang. Bundesliga nomawi chawi nawn ngei kan duh a, DFB Cup leh Champions League nomawi pawh laklet kan duh," tiin league nomawi ringawta a lungawi loh thu a sawi.