Aizawl FC-in Neroca hneh lo

Nimin khan I League U18-ah Aizawl FC-in Neroca 0-1 in an hneh lo a, Manipur club goal awm chhun hi minute 36-naa Thou­naojam Hemba Singh khung a ni.

Rest of India Zone Group B inkhel dangah TATA Football Academy-in minute 10-na leka Mohammad Mobashir goal khung hmangin Pride Sports 1-0 in an hneh.

TFA hian season liam ta khan final-ah AIFF Academy an hneh lo a, tun season match thum khelh tawhah point sarih hmuin hmahruaitu an ni mek. Aizawl FC awmna group-a awm team pali te hi vawi hnih ṭheuh an inkhel kual ang a, a sang ber chiahin final round an lut ang.

# Team Pld W D L GF GA GD Pts
1 TATA FA 3 2 1 0 4 1 3 7
2 NEROCA 3 2 0 1 4 3 1 6
3 Aizawl FC 3 1 1 1 5 1 4 4
4 Pride Sports 3 0 0 3 0 8 -8 0