Rooney hmalam hun a chiang lo

Manchester United boss Jose Mourinho chuan tun hnaia Old Trafford chhuahsan tur anga sawi Wayne Rooney hmalam hun a hriat loh thu a sawi a, Rooney hmalam hun hre duh chuan English striker zawh mai chu a finthlak zawk tur thu a sawi!

Portuguese manager chuan Chinese Super League nena sawizawm hlawh mek striker chung­chang hi sawiin, "A chhuah dawn leh dawn loh chu nangmahnin in zawh a ngai ang. He hmun­ah hian Rooney hi a cham reng dawn tih ka tiam thei lo a, kei ngei pawh hi he hmunah hian karlehah ka la awm dawn em, ka sawi thei lo. Engtinnge player cham zel dawn leh dawn loh chu keiin ka sawi theih ang," a ti.

Hetihrual hian Mou­rinho chuan Rooney chu chhuak tura a duh loh thu sawi nghalin, "He club legend hi hmun dang pan turin engtikahmah ka nawr lo ang. Chhuah a duh nge a hun tawp he hmunah hian hman a duh zawk, tih chu nangni zawh tur a ni. Ka tan chuan Rooney chhuah leh chhuah loh chungchangah zawhna a awm lo. Kei chuan he hmuna cham turin ka duh a, a chhuah ka phal lo," tiin a sawi.

Manchester United tan goal 250 khunga goal khung hnem ber ni mek Rooney hian Old Trafford-a cham turin kum 2019 thleng contract nei mah se match 29 chiah tun season-ah a la khel a, goal nga chiah a la khung bawk.