Test series ṭan dawn : India vs Australia

Australia nena test series match li khel tur India chuan vawiin hian Pune khawpuiah match hmasa ber an khel dawn a, India coach Anil Kumble chuan a kaihhruai India team-in nasa taka hma an sawn thu a sawi.

India captain hlui ni bawk Kumble chuan, "Thla 10 chhung zet he India team naupang tak ka kaihruai thei hi ka lawm a ni. He team-in hma a sawn zel hmuh hi a nuam a, harsatna karah pawh a sut kian dan ṭha tak kan hmu zel thei. Player-ten inrintawkna nei se ka duh a, player tin hian an hmaa inchhawp chu chingfel turin huaisenna an nei vek a ni," tiin a team enkawl lai chu a fak hle.

Virat Kohli captain-na hnuaiah India hian test 19 zet chu tlawm hmel hmu loin an kaltluang tawh a, Australia lakah an result duhawm tak hi chhawm nun zel an duh ang. Vawiina khelh

ṭan tur test series hi match hnuhnung ber chu March 25-ah Dharamsala khawpuiah an khel ang.

India squad: Virat Kohli (c), Murali Vijay, KL Rahul, Cheteshwar Pujara, Ajinkya Rahane, Wriddhiman Saha (wk), Ravichandaran Ashwin, Ravindra Jadeja, Ishant Sharma, Bhuvneshwar Kumar, Umesh Yadav, Karun Nair, Jayant Yadav, Kuldeep Yadav, Abhinav Mukund, Hardik Pandya.

India vs Australia
First Test February 23 - 27, Pune
Second Test March 4 - 8, Bengaluru
Third Test March 16 - 20, Ranchi
Fourth Test March 25 - 29, Dharamshala