I League nomawi inchuh A sang pathum leh champion lai
East Bengal-in I League match 10 khelh zawhah pakhatna dinhmun an hauh a, amaherawhchu Red and Gold hi an hmelma Mohun Bagan nen an point hmuh zat a inang a, Mariners hi match khatin an la khel tlem. Kolkata club lian pahnih hi champion tura rinkai an ni a, champion lai Bengaluru dah bo theih an la ni lo.
Point hmuh danin a zir miau avangin Aizawl FC chu I League champion thei tur zinga dah tel theih an ni ta a, Mizo club erawh 'dark horse' an la ni.
Beisei phak lo Blues
Bengaluru FC-in I League an champion zawhah coach Ashley Westwood an ban a, English coach thlakna atana an lak chu Dutch manager Frank Rijkaard-a hnuaia Barcelona leh Galatasary enkawl tawhtu Albert Roca a ni.
Spanish coach Albert hnuaiah Blues-in I League match hmasa pathum an mual Sree Kanteerava Stadium-ah khelin an chak nghal vek a, khualmualah beisei an phak chhunzawm lo. Bengaluru hian an elpui ber East Bengal chu Barasat Stadium-ah an hneh lo a, Aizawl FC nen an inhnehtawk bawk.
Bengaluru hian AFC Champions League qualifier an khelh avangin Mohun Bagan an la hmachhawn lo a, player inhliam an ngah avangin an ṭhat theih dan berin an la inlan lo. Inrinni hian East Bengal an mikhual ang a, an chak lo a nih ngat chuan champion thei tur aṭangin dah bo theih an ni tawh mai thei.
Kolkata club lian
I League season kua khelh a ni tawh a, 2014-15 season khan Mohun Bagan an champion. Hei hi Kolkata club-in I League nomawi an chawi hmasak ber a ni chauh a, East Bengal-in an la champion lo.
Tun season-ah erawh East Bengal hian season bul an ṭan ṭhat avangin leh foreigner an neih ṭhat avangin champion tura rinkai an ni a, amaherawhchu tun hnaia an result ṭhat loh avangin club chhung boruak a ṭha tawk lo.
Red and Gold-in an match hnuhnung pathumah chak hmel an hmu tawh lo a, club hotu zingah English coach Trevor Morgan ban duhtu pawh an awm tawh.
Mohun Bagan-in pakhatna nih an duh a, champion thei dinhmuna East Bengal an din avangin an nomawi duhin an tuihal lehzual. Amaehrawhchu Mariners pawh hi I League fixture chep tak kara AFC Cup qualifier an khelh avangin chesual thei reng an ni a, player pawimawh Sony Norde chu a damchian theih loh avangin an buai ve viau bawk.
Mizo club
Aizawl FC-in India ram football ngainatute an barakhaih a, amaherawhchu an elpui club ang lo takin season tawp lamah away match an khel dawn a, chetsual theihna tur a tam dawn tihna a ni.
Mizo club hi an squad an pan deuh avangin champion tur em chuan rin ngam an harsa a, chutihrualin RG Stadium-a an hmachhawn leh tur pahnih Chennai City leh Mumbai FC an hneh a nih chuan club lian dang pawhin elpui tak takah an ngai ang.
East Bengal coach Trevor Morgan chuan, "Leicester City-in Premier League an chawi theih chuan Aizawl FC hian eng nge an theih loh ang?," tiin a sawi.
Tun Inrinnia Aizawl FC leh Chennai City inkhel tur ticket chu zawrhchhuah a ni leh tawh a, gallery chung Rs 200 niin gallery hnuai Rs 100 a ni.
RESULTS
Result Khingpui
D 1-1 Aizawl FC (H)
W 2-1 DSK Shivajians (A)
W 2-0 Churchill Brothers (A)
W 2-1 Bengaluru FC (H)
W 5-0 Minerva Punjab (A)
W 2-0 Mumbai FC (H)
W 3-0 Chennai City (H)
D 0-0 Mohun Bagan (H)
D 1-1 Shillong Lajong (H)
L 1-0 Aizawl FC (A)
Result Khingpui
W 1-0 Churchill Brothers (H)
W 2-0 Shillong Lajong (H)
W 4-0 Minerva Punjab (H)
W 2-1 Chennai City (A)
D 0-0 DSK Shivajians (A)
W 3-2 Aizawl FC (H)
D 0-0 East Bengal (A)
D 0-0 Mumbai FC (A)
W 3-1 DSK Shivajians (H)
Result Khingpui
D 1-1 East Bengal (A)
W 1-0 Minerva Punjab (H)
W 2-1 Shillong Lajong (H)
W 1-0 Mumbai FC (A)
L 2-0 Chennai City (A)
W 1-0 DSK Shivajians (H)
L 3-2 Mohun Bagan (A)
W 3-1 Churchill Brothers (H)
D 1-1 Bengaluru FC (H)
W 1-0 East Bengal (H)
Result Khingpui
W 3-0 Shillong Lajong (H)
W 2-0 Chennai City (H)
W 3-0 Mumbai FC (H)
L 2-1 East Bengal (A)
L 2-1 Churchill Brothers (A)
D 2-1 DSK Shivajians (A)
D 1-1 Minerva Punjab (H)
D 1-1 Aizawl FC (A)
D 0-0 Mumbai FC (A)
FIXTURES
Date Khingpui
Feb 25 Bengaluru FC (A)
Mar 4 Shillong Lajong (A)
Mar 7 Churchill Brothers (H)
Mar 12 Chennai City FC (A)
Apr 9 Mohun Bagan (A)
Apr 16 DSK Shivajians (H)
- Mumbai FC (A)
- Minerva Punjab (H)
Date Khingpui
Mar 4 Churchill Brothers (A)
Mar 8 Mumbai FC (H)
Mar 11 Bengaluru FC (A)
Apr 1 Bengaluru FC (H)
Apr 9 East Bengal (H)
Apr 12 Shillong Lajong (A)
Apr 15 Minerva Punjab (A)
- Aizawl FC (A)
- Chennai City (H)
Date Khingpui
Feb 25 Chennai City (H)
Mar 4 Mumbai FC (H)
Mar 7 DSK Shivajians (A)
Mar 11 Minerva Punjab (A)
Apr 9 Bengaluru FC (A)
Apr 15 Churchill Brothers (A)
- Mohun Bagan (H)
- Shillong Lajong (A)
Date Khingpui
Feb 25 East Bengal (H)
Mar 5 Minerva Punjab (A)
Mar 8 Chennai City (A)
Mar 11 Mohun Bagan (H)
Apr 1 Mohun Bagan (A)
Apr 9 Aizawl FC (H)
Apr 15 Shillong Lajong (A)
- Churchill Brothers (H)
- DSK Shivajians (H)
Team Dinhmun
# Team Pld W D L GF GA GD Pts
1 East Bengal 10 6 3 1 18 5 13 21
2 Mohun Bagan 9 6 3 0 15 4 11 21
3 Aizawl FC 10 6 2 2 13 9 4 20
4 Shillong Lajong 10 5 1 4 15 13 2 16
5 Bengaluru FC 9 3 4 2 14 8 6 13
6 DSK Shivajians 10 2 4 4 9 11 -2 10
7 Minerva Punjab 10 2 4 4 9 18 -9 10
8 Mumbai FC 10 2 2 6 6 14 -8 8
9 Chennai City 10 2 2 6 7 17 -10 8
10 Churchill Brothers 10 1 3 6 10 17 -7 6