Renault an inringtawk

Renault Sport boss Jerome Stoll chuan For­mula 1 season thara inel­na hmachhawn turin inrintawkna an neih san thu a sawi a, an car thar RS17 chuan hlawhtlinna a chanpui theih ngei a beisei thu a sawi tel bawk.

Season hmasa khan Renault hian beisei an phak lo a, team championship-ah pakuana an ni. Nikum khan team indin thar nan hun an hmang hnem a, hnathawktu 200 chuang lain kum 2020-ah chuan world champion nih theih leh tawh an inbeisei.

Renault Sport boss Jerome Stoll chuan, "Inelna hautakah hnuhma tam tak kan lo nei tawh a, vawi lehkhata hmasawn duai duai theih a nih loh zia pawh kan hria. Mahse, kan team hian tum kan nei a, hun lo kal leh tura tan kan inbuatsaih nasa hle, season lehah chuan pangana chin nih kan tum ang," tiin a sawi.

Renault hian kum 1977 aṭang khan F1 ah hian an hming a chher ṭan tawh a, team an neih loh ṭum pawhin engine siamtuah an ṭang ṭhin - kum tin erawh a inlan ziah bik lo. Kum 2005 leh 2006 khan world champion an lo ni tawh a, khatih laia an driver chu Fernando Alonso a ni.