Inter University Cricket Mizoram University an thiam ber

ICFAI University buatsaih Inter University Cricket Tournament 2017 chu nimin khan Suaka Memorial Cricket Ground, Sihhmuiah khelh zawh a ni ta a, Mizoram University chuan CAU Vety chu wicket sariha hnehin an champion.

CAU Vety hian over 20-ah Run 91 siama wicket 8 hlohin run 31 siamtu Sam­rat-a'n thlawptu a nei ṭha tawk lo a, run 18 lek pea wicket thum latu Mizoram University bowler Asim chu CAU vety tan mangchhia a ni bawk.

Mizoram University-in over 18.5 lekah an target hi umphain wicket thum chiah an hloh a, Lalhriatpuia (36 runs) leh Rahul Dey (19 runs) ten an champion-na kawngah an thawhhlawk hle. Inter University Cricket Tournament hi February 15 khan khelh ṭan a ni a, University pariat laiin inelna hi an hmachhawn.