F1 tlanna tur pahnih tih chian belh

Formula 1 thuneitu lam chuan intlansiak hmasa pariat neihna tur hun leh hmun an tih chian hnuah pahnih dang an ti chiang leh. Italy leh Russian Grand Prix te pawh an tlan thei dawn.

Italy rama Mugello-ah September 13 hian intlanisak an nei ang, September 27 hian Russia khawpui pakhat Sochi chuan inelna a thleng ve leh thung dawn a ni. Covid-19 vangin infiamna khawvel a buai a, car intlansiakna sang ber pawh a khaihlak rei hle. Thuneitu lamin intlansiak hmasa chu Europe khawmualpuia neih turin an ruahman, season tluanin inelna 15-18 neih theih an beisei; tuna a chiang chin chu 10 a ni thung.

Kar hmasa khan a hmasa ber atan Red Bull Ring-ah Austrian Grand Prix an tlan. Pathianni zan dar 6:40 hian a hmun ngaiah bawk tun season inelna pahnihna atan Styrian Grand Prix an tlan leh ang.