Kan inpeih reng a ngai - Suarez

Barcelona striker Luis Suarez chuan La Liga nomawi chawi leh chawi loh chu an kutah innghat tawh lo mah se an hmelma chetsual an chan reng a pawimawh thu a sawi a, inthlahdah theiah a inngai lo. 

Catalan club hian league match thum chauh khelh tur an nei tawh a, an chungah hian Real Madrid an awm. Zinedine Zidane-a naute hian nizan dar 1:30 khan Alaves an mikhual a, an chak chuan khelh zat inangah Real hi point liin an sang fal ang. He thu buatsaih lai hian result kan hre hman lo.  

Suarez chuan, "Match hmabak pathum kan la neihah hian chak vek kan mamawh a, chu chu kan tih tur chu a ni mai. Madrid inkhel ngaihven a ṭul lo a, anmahni kutah a awm. A pawimawh ber chu an chetsual palh pawha chhawr thei tura kan lo awm hi a ni," tiin a sawi. Barcelona hian zanin dar 11:00-ah Valladolid an lenchilh dawn a, Osasuna leh Alaves an la hmachhawn leh bawk ang.