Aizawl FC U18 tan inkhel pawimawh

I League Under 18-ah vawiin tlai dar 2:00 hian Aizawl FC-in inelna thlengtu TATA Football Academy an hmachhawn dawn. Chawhma dar 10-ah NEROCA leh Pride Sports te an inhmachhawn bawk ang.

JRD TATA Stadium-a Rest of India Group B khelh mek aṭangin team pakhat chiahin final round an lut dawn a, vawi khat ṭheuh an inkhelh kual tawhnaah Aizawl FC-in TFA an draw tawh bakah NEROCA an hneh tawh loh avangin Mizo club tan vawiin inkhel hi a pawimawh hle.

Aizawl FC U18-ah hian MPL-a tawnhriat nei tawh Jo­na­than Lalhriatkima, Ro­chhar­­zela,

Vanlalṭhazuala, F. Lalremsanga, David Larinpuia, Paul Ram­fangzauva, Lalawmpuia Hnamte, Stephen Lalnunmawia leh Lalnunsanga te an awm avangin hun harsa aṭanga tal chhuak turin theihna an nei a, TATA Football Academy hmaah Mizo rawlthar fiahin an awm ang.

Team Dinhmun
# Team Pld W D L GF GA GD Pts
1 TATA Football Academy 3 2 1 0 4 1 3 7
2 NEROCA 3 2 0 1 4 3 1 6
3 Aizawl FC 3 1 1 1 5 1 4 4
4 Pride Sports 3 0 0 3 0 8 -8 0