Angelique Kerber-i'n phuba a la

Angelique Kerber chuan Rio Olympic final-a a hneh loh Monica Puig hnehin Dubai Tennis Championships last 16 a paltlang a, inkhel dangah Ag­niesz­ka Ra­dwanska chu tleirawl CiCi Bellis lakah a chak lo thung.

Nilaini zan inkhelah world num­ber 2 Kerber hian 6-2, 6-3 in hnehna a chang a, Olympic hnua an inhmachhawn lehna hmasa berah phuba a la. German nula Kerber hi Dubai-ah hian a champion a nih chuan Serena Williams hnen aṭangin world number 1 nihna a chhuhsak thei dawn a, quarterfinal-ah Ana Konjuh a hmachhawn leh ang.

Kum 17-a upa Bellis chuan 2012 champion Agnieszka Radwanska chu 6-4, 2-6, 6-2 in a hneh a, Ame­rican rawlthar duhawm hian world number 10 chin laka hnehna a vawi khat chhanna chiah a ni. Nizan khan Caroline Wozniacki nen an inhmachhawn leh a, result kan hre hman lo.