Budapest inhnukdawk dawn
Hungarian sorkar thupuangtu chuan 2024 Olympic Games thlen tuma an hmalakna aṭangin an inhnukdawk dawn tih a sawi chhuak. Tun kartir lam khan Olympic an thlen theihna tura an hotu Balazs Furjes chuan beisei an neih tawh loh thu a lo sawi tawh bawk.
Political group Momentum Movement hmalak nain mipui 260,000 chuang zetin petition an ziak a, ram mipui tam tak hian Olympic thlen nana sum hman ai chuan damdawi in leh sikul siam belh leh thawm ṭhat nan sum hman an duh zawk a, na takin Olympic thlen an dodal.
Germany khawpui Hamburg leh Italy khawpui Rome te an lo inhnuhdawh tawh bawk avangin tunah chuan khawpui pahnih - Los Angeles leh Paris te chu 2024 Olympic Games thleng tura buk an ni dawn. International Olympic Committee (IOC) chuan September thla khian Lima, Peru-ah vote thlakin a thleng tur a ti chiang ang.
Hungarian sorkar thupuangtu Zoltan Kovacs sawi dan chuan prime minister Viktor Orban, Budapest mayor Istvan Tarlos leh Hungarian Olympic Committee ten inhnuhdawh chungchang hi an ngaihtuah leh dawn a, dan leh hrai ang chuan Budapest City Assembly-in vote hmangin thutlukna an siam leh ang.
Summer Olympic neih apianga medal la ziah, mah se he infiamna khawmpui lian la dawng (host) miah lo ram 10 an awm a, chung zinga pakhat chu Hungary hi an ni.