Pacman leh Amir Khan inbia

WBO welterweight champion nilai Manny Pacquiao chuan twitter-a amah hnektu tur thlang tura a fan-te a ngen hnuah vote hmusang ber Amir Khan a hmachhawn theih nan British boxer hi inbiakna a neihpui mek.

Kum 30-a upa Khan hian British boxer Kell Brook, Australian boxer Jeff Horn leh American boxer Terence Crawford-te khumin vote 48% a hmu a, inbiakna hi kalpui a ni ta a ni.

United Arab Emirates-a an inhnek tur thu sawitu Pacquiao chuan, "Ka team leh Amir Khan te chuan inbiakna kan nei mek a, thuchiang zawk puan thuai a ni ang," a ti a, Amir Khan chuan kum 38-a upa boxer aiawhte nen inbiakna an neih mek thu twitter lamah a tarlang ve bawk.