Leeds United tan Premier League a hnai zel

Kum 16 zet English football inelna sang bera an inlan tawh loh hnuah Leeds United tan Premier League a hnai zel a, Ningani zan khan Stoke City chu 5-0 ngawtin an sawp. 

Leeds tan Mateusz Klich chuan minute 45-naah penalty aṭanga khung ṭanin hma a hruai a, Helder Costa, Liam Cooper, Pablo Hernandez leh Patrick Bamford-ten goal khat ṭheuh khung bawkin an chak chiang hle. Marcelo Bielsa naute hian match 42 an khelh tawh aṭangin point 81 an nei tawh a, an hnuai chiahah hian point 80 nei West Brom an awm bawk. 

Pathumna Brentford-in point 75 nei mahse a chung pahnih hi automatic-a Premier League khel tura tling tur an ni a, match li chiah khelh tur awm tawhah top two aṭanga tla leh tur chuan Leeds tan vanduai hle a ngai ang. 

July 09, Ningani Zan

Leeds United    5 - 0    Stoke City

LEU: Mateusz Klich 45'; Helder Costa 47'; Liam Cooper 57'; 

   Pablo Hernandez 72'; Patrick Bamford 90+3'