World muaythai champion-ship-ah Mizo pahnih

Senior World Muaythai Championship 2022 chu May 26 aṭang hian Abu Dhabi-ah khelh a ni dawn, inelnaah hian referee & Judge turin Mizo International referee pahnih Liansangpuii Renthlei, Zemabawk leh Lalhlimpuia, Zonuam te an tel dawn.

Senior World Muaythai Championship 2022-ah hian khawvela muaythai thuneitu sang ber - IFMA hnuaia pass chhuakte aṭangin ram hrang hrangin referee & judge tur an tir dawn a, India aṭangin mi pariat kal tur zinga mi pahnih chu Mizo an ni.

Muaythai Association of Mizoram chuan nimin khan Sangpuii leh Hlimpuia te hi an thlah a, duhsakna an hlan bawk; vawiin hian Delhi an pan ang. Delhi-ah hian India team an zawm dawn a, a huhoin UAE an pan leh dawn.