Hertha-in Bundesliga an khel zel dawn

Bundesliga khel tur zawnna relegation playoff-ah Hertha Berlin chuan Hamburg an hneh a, Germany-a football inelna sang ber an khel chhunzawm ang.

Relegation playoff hi double leg-a khelh a ni a, first leg-ah Hertha hian an mualah Hamburg hi 1-0 in an hneh lo. Nimin khan second leg hi Hamburg khelmual Volksparkstadion-ah khelh a ni a, 2-0 in an hneh let.

Hertha tan hian Dedryck Boyata leh Marvin Plattenhardt ten goal an khung a, aggregate-ah 2-1 in an chak. Playoff-ah hian Bundesliga 16-na leh 2. Bundesliga pathumna te an inhmachhawn.

Chutihrualin Bundesliga-ah erawh club thar pahnih an awm dawn tho a, 2. Bundesliga champion Schalke leh pahnihna Werder Bremen te Germany-a football inelna sang ber khel turin an tling.