AFCON khel lo tur Kenya leh Zimbabwe

Africa Cup of Nations 2023 khel tur zawnnaah Kenya leh Zimbabwe te chu hrem vangin an tel thei dawn lo a, Africa rama football inelna sang ber an khel thei dawn lo tihna a ni.

FIFA hnuaia football inrelbawlnaah hian pawn lam mi inrawlh a thiang lo a, Kenya leh Zimbabwe hrem a nih chhan hi an ram football inelnaah politics a inrawlh vang a ni.

AFCON 2023 khel tur zawnna hi June thla aṭanga khelh ṭan tur a ni a, inelna hi Ivory Coast-in a thleng ang.