Chelsea record nihrual zan?
Premier League hmahruaitu Chelsea chuan zanin hian tun hma lama record an lo siam tawh nihrual theihna hun an nei dawn, dar 8:30-ah an mikhual Swansea City an hneh a nih chuan Stamford Bridge-ah a zawna match 12 hnehna an channa tur chiah a ni ang.
Chelsea hian 2008-09, 2009-10, leh 2014-15 season khan an khelmualah a zawnin inelna hrang hrangah match 12 chhung hnehna an lo chang tawh a, tunah Blues hian a zawnin match 11 hnehna an chang mek.
Antonio Conte naute hi Europe-a an inlan loh avangin hahchawlhna hun an nei tam a, February 18-a FA Cup fifth round an khelh bak an la khelh chhunzawm leh lo. Swans tan pawh champion lai Leicester City 2-0 a an hneh hnua an match hmasa ber tur a ni ang.
Italian manager Conte kaihhruaina hnuaiah Chelsea hian league match 25 khelh tawhah point riatin hma an hruai fal mek a, nikum September thla khan Swansea nen hian 2-2 in an lo inhnehtawk tawh.
Chelsea leh Swansea te hian inan lohna lian tak an nei. Blues hian league kal mekah goal 18 chiah chhuahin tlarhnung phui ber an ni a, an khingpui tur Swans hi goal chhuah hnem ber (54 goals) an ni thung. League match li an inhmachhawn tawha goal sarih khung thei Diego Costa-a'n goal a khung a nih pawhin a mak lo ang.
Zanin Inkhel Tur
Chelsea 8:30 PM Swansea City
Crystal Palace 8:30 PM Middlesbrough
Everton 8:30 PM Sunderland
Hull City 8:30 PM Burnley
West Brom 8:30 PM Bournemouth
Watford 11:00 PM West Ham
Pathianni zan Inkhel Tur
Tottenham Hotspur 7:00 PM Stoke City