Kerber tan match hnih chiah

Angelique Kerber tan world number 1 ni leh turin match hnih bak chak a ngai tawh lo. German nula hian Ningani zan khan Ana Konjuh hnehin Dubai Tennis Championships semifinal a lut a, nizanah Elina Svitolina nen semifinal-ah hian inhmachhawn zui nghal mah se result kan hre hman lo.

Grand Slam vawi hnih champion tawh Kerber hian 6-0, 6-4 in hnehn a chang a, set khatnaah a service la vekin a khingpui service a chhuhsak vek bawk a, set hnihnaah pawh 2-2 a nih hnuah Croatia nula service chhuhsak lehin harsatna nei loin quarterfinal a paltlang.

Kum 29-a upa Kerber chuan, "Ana hi khingpui hautak tak a ni a, point hnuhnung ber ka hmuh hma kha chuan ngaih ngam takin ka awm lo. Ka khel ṭha chhunzawm leh tawh a, inrintawkna pawh ka nei leh tawh," tiin kumina a vawi khat nan nomawi chawi theih a inbeisei.