Inter Milan ngam loh Nainggolan

Pathianni zan Serie A inkhelah Radja Nainggolan goal hnih hmangin AS Roma chuan Inter Milan 3-1 in an hneh a, league hmahruaitu Juventus nen an inkar an sawi zim leh hret.

San Siro-a inkhelah Bel­­gium international Nainggo­lan hian goal hmasa pahnih (12', 56') a khung a, Inter captain Mauro Icardi chuan goal khat chhanglet ve mah se Roma hian hun tawp dawnah Edin Dzeko penalty hlawhchhuah chu Diego Perotti-a'n an goal thum nan a khung.

Luciano Spalletti en­kawl Roma hian an league match hnu­hnung pakua zinga vawi riatah hnehna changin Juventus nen an inthlauhna chu point sarih a ni a, league match khelh hmabak 12 an la nei.

Serie A inkhel dangah season thara Europe-a inlan tum AC Milan chuan khualmualah Sassuolo 1-0 in an hneh a, goal awmchhun hi Carlos Bacca-a'n penalty aṭanga a khung a ni.