Raonic-a'n final khel thei lo

Nikum Wimbledon finalist Milos Raonic chu a malpui hliam vangin Delray Beach Open final-ah a inlan thei lo a, a khingpui tur Jack Sock chu chak zawka puan a ni. Sock tan Delray Beach Open hi kumina a ATP title pahnihna a ni.

World number 4 Raonic hian semifinal-ah Juan Martin Del Potro chu inkhel inhnehtawk takah a hneh hram a, US Open champion hlui laka hnehna a chan ṭum hian a malpuiah hluam a tuar zui leh a, final a khelh theih loh phah.

Canadian tlangval Raonic chuan, "Del Potro nen kan inkhelh ṭum khan ka thahrui ka hman nasat em avangin ka malpui a na satliah niah ka ngai a, mahse zing ka thawh meuh chuan inkhel zui thei ka ni lo tih ka hria," tiin a sawi.