Dan bawhchhiatna lakah ka fihlim - Farah

Mo Farah chuan tun laiin in­fiammite zingah damdawi hman phal loh hman chungchangah buai­na tam hle mah se ani chu a fihlim thu a sawi chhuak.

Tun hnaiah olympic gold medal pali la tawh Farah coach Alberto Salazar chu chhui a ni mek a, nikum March thlaa US Anti-Doping Agen­cy (USADA)-in damdawi hman phal loh hmang hming an dahna leak out-ah Farah coach hi a tel a ni.

Kum 33-a upa Farah chuan, "Eng pawl leh thuneitu pawh nise an report chu thuthar thehdarhtute hmaa puanzar chintawk an hriat a

ṭul a, thil ṭhenkhatah chuan mipui hi thutlukna siamtu an nih vek a ṭul lo. Hetiang thu ka sawi a ngai ta mai hi hrehawm ka ti a, infiamna khawvel ka luhchilh aṭang hian engtik lai mah­in dan ka la bawhchhe ngei lo," a ti.

British distance runner Farah hian London leh Rio Olympic-ah te khan 5,000m leh 10,000m intlansiakah an ram tan gold medal a hlawh chhuak.