Etihad Stadium hmang tur Manchester City

UEFA chuan Champions League leh Europa League Last 16 second leg khelh chhunzawm dan tur a tichiang a, ruahman lawk dan angin kaltlangpui a ni dawn. Manchester City-in Santiago Bernabeu-a 2-1 a an hneh tawh Real Madrid chu Etihad Stadium-ah an mikhual thei dawn a, quarterfinal lut turin an dinhmun a ṭha sawt.

Covid-19 vangin inkhel entu erawh an awm thei dawn lo. Champions League last 16 second leg hi August 7-8 ah khelh a ni ang a, Europa League last 16 second leg hi August 5-6 ah khelh tur a ni thung. Europa League-ah hian last 16 first leg khelh hman lo match hnih a awm a, heng inkhel pahnih Getafe vs Inter leh Roma vs Sevilla te chu Germany-ah khelh a ni ang.

Champions League-ah Cristiano Ronaldo telna Juventus-in Lyon an mikhual dawn a, Italian club hi khualmualah 1-0 a an chak loh avangin 1996 hnua European champion ni turin lehthal ngei a ṭul dawn. Bayern Munich leh Barcelona pawhin an mualah Chelsea leh Napoli te an mikhual ang. German champion Bayern dinhmun a ṭha a, Lionel Messi telna Barca erawh khualmualah 1-1 a an inhnehtawk avangin chesual thei an la ni. Europa League-ah Manchester United-in khualmualah LASK 5-0 in an sawp a, Old Trafford-ah second leg khelh tur a nih avangin nuamsa takin quarterfinal an thleng thei ang. 

UCL Last 16 - 2nd Leg

Juventus    vs    Lyon    (0-1)

Manchester City    vs    Real Madrid    (2-1)

Bayern    vs    Chelsea    (3-0)

Barcelona    vs    Napoli    (1-1)

Europa League Last 16 - 2nd Leg

Shakhtar Donetsk    vs    Wolfsburg    (2-1)

Leverkusen    vs    Rangers    (3-1)

Wolves    vs    Olympiacos    (1-1)

Manchester United    vs    LASK    (5-0)

Basel    vs    Frankfurt    (3-0)

Copenhagen    vs    Istanbul Başakşehir    (0-1)

Single leg-a khelh tur

Getafe    vs    Inter

Roma    vs    Sevilla