Armed Veng South an champion

MiSDA MFA Futsal Divison One 2021-22 Season Ending Tournament chu May 24, Thawhlehni zan khan KK Futsal Ground-ah khelh zawh a ni a, Armed Veng South chuan final-ah Zuangtui club JK FC hnehin an champion.

Final hmuhnawm takah AVS tan Israel Laldingngheta'n goal khat a khung bakah C. Ramdinmawia'n goal hnih a khung a, JK FC tan Lalthanmawia Chawngthu-in hattrick a siam. Hun pangngaiah 3-3 in an inhnehtawk a, penalty shootout-ah AVS 5-4 in an chak.

Divison 1 aṭangin Goshen FC (Sihphir Venghlun), Thlangtiang leh Armed Veng South FC te Futsal League khel turin an tling a, tun season-a inelna pathuma an che ṭhat dan aṭangin point pek an ni. JK FC (Zuangtui), FC Muthi leh Tlangnuam FC te an point a inan avangin vawiin hian hmunruak pakhat inchuh turin playoff an khel ang.