Arsenal-ah Elneny a nghet

Mohamed Elneny chu Arsenal tan a khel chhunzawm zel dawn. Egypt international midfielder hian Gunners tan contract thar a ziak, an inremna thar ang chuan kum 2023 June thla thleng Emirates Stadium-ah a cham ang.

Kum 29 mi Elneny hian 2016 khan Basel aṭangin Arsenal hi a zawm. North London club tan match 147 a khel tawh a, goal nga khungin a ṭhiante khung tur vawi 10 a siamsak tawh thung a ni.

Elneny chuan, "Arsenal hi ka hmangaih a, a chhungkuaah hian ka telin hma hun thui tak ka neiah ka inngai. Hmabak eng tak kan neih avangin ka cham," tiin beisei a neih san thu a sawi.

Gunners manager Mikel Arteta chuan, "Mo hi club tana mi inpe leh theihtawp chhuah ṭhin a ni a, khelmual pawn leh a chhungah mi ṭangkai a ni. Player naupang zawkte tana entawn tlak a nih a, a cham thei hi ka lawm," tiin a player a fak.