Vawiinah Australia Vs India

Australia leh India chuan vawiin chawhma dar 9:10 aṭangin ODI match thum an khelh tur zinga hmasa ber Sydney Cricket Ground-ah an khel dawn.

Men In Blue hian ODI match-ah hian 1992 World Cup ṭuma India jersey design entawna siam jersey an ha dawn. Virat Kohli hote hian Aussies nena ODI match hnuhnung berah 2-1 in an chak.

India-in ODI an khelh hnuhnun ber chu kumin February thlaa New Zealand an khelh kha a ni a, hemi hnu hian Covid-19 vangin South Africa, Sri Lanka leh Zimbabwe te nena an inkhel tur an ṭhulh.

Indian Premier League-a Mumbai Indians champion puitu Rohit Sharma chu inhliam vangin a la tel lo. Amaherawhchu Men In Blue hian Virat Kohli bakah Shikhar Dhawan, Shreyas Iyer, Ravindra Jadeja leh Jasprit Bumrah te an kawl a, an inringtawk khawp ang.

Australia lamin Aaron Finch, David Werner, Steve Smith, Mitchell Starc leh Pat Cummins te an nei a, Sydney-ah inkhel hmuhnawm thlir tur a awm ang.