Finnish GP a awm dawn lo

Russia leh Ukraine buaina in a nghawng avangin Moto GP inelna pakhat Finnish Grand Prix an tlan thei dawn lo, hun rei tak aṭanga an lo nghah leh beisei tak chu a hun dawn hnaiah ṭhulh a ngai leh ta zawk a ni.

Kouvola khawpui bula awm KymiRing hi siamṭhat niin kum 2019 khan an hawng chiah, kum 1982 July thla hnua a vawi khat nan bike intlansiakna sang ber thlen an beisei chu tun season atan a thlawn.

International Motor-cycling Federation (FIM) chun thuchhuah siamin, "A chhehvel boruak uluk taka thlir a ni a, beiseina sang tak nena kan lo thlir Finnish Grand Prix an tlan thei lo tur hi pawi kan ti, rim taka hna thawktute thawh rah hi season tharah tal a taka kan hmuh kan beisei," an ti.