Futsal League khel tur Muthi

Mizoram Football Asso-ciation hnuaiah Futsal League khel tur a hriat kim ta. Nimin khan Division 1 club pathum FC Muthi, JK Zuangtui leh Tlangnuam FC ten KK Futsal Ground, Durtlang Leitan-ah playoff an khel a, match hniha vawi hnih chak FC Muthi ten Futsal League an khel dawn.

Divison 1 aṭangin Futsal League-ah team pali an tling a, FC Muthi hma hian Goshen FC (Sihphir Venghlun), Thlangtiang leh Armed Veng South FC te an tling tawh a ni. Futsal League aṭangin Team Gideon Kanan, Whetstone FC Ramthar Veng, Zaia Memorial FC Laipuitlang leh FC Khatla te an relegate thung.

Season thara MFA Futsal League khel turte chu Electric Veng FC, Chanmari Zothan Futsal, Lawmna FC (Dinthar), IDBI Capital, FC Thyristor, Saron FC, Amawii Bawngkawn, Zonuam FC, LM Futsal Club (Durtlang), Bungkawn FC, Chhinga Veng FC leh Ramhlun South FC bakah kai thar pali Muthi, Goshen, Thlangtiang leh Armed Veng South te an ni.

Playoff - Nimin Inkhel Results
JK FC Zuangtui 4 - 3 Tlangnuam FC
FC Muthi 2 - 1 Tlangnuam FC
FC Muthi 3 - 0 JK FC Zuangtui