French rugby legend Dominici a thi

France rugby union international Christophe Dominici chu a thi, kum 48 mi chauh niin inchung aṭangin a tla nia ngaih a ni.

Mit a hmutute sawi dan chuan, Paris khawpui bula awm Saint-Cloud park a inchungah Dominici hi a lawn a, chumi hnuah chuan a tla nia sawi a ni. Thuneitu lam chuan a thih dan hi chiang taka hre turin an chhui zui dawn.

Dominici hian ram tan match 67 a khel, club lamah Stade Francais tana khelin French championship-ah vawi nga ngawt hlawhtlinna a chanpui. 

France sports minister Roxana Maracineanu chuan, "Christophe Dominici thi thut chuan min barakhaih hle, player ṭha leh themthiam bik kha a ni a, ani a awm lo tur chu channa lian tak a ni," a ti.