Champhai champion-in Aizawl champion an hneh

Nimin khan MFA Cup vawi 17-na match hmasa berah Champhai DFA champion Bethel FC chuan Aizawl DFA champion leh MPL6 khel tur Mizoram Police chu 4-0 in an sawp a, inkhel dangah Mamit club Chhim Veng FC-in Lawngtlai club North Gate 2-1 in an hneh bawk.

Ṭhuamluaia Mual, Lungleiah Bethel FC tan Kaleba Lalnunhlima leh C Lalremruata ten goal khat ve ve an khung bakah captain Isaac Lalrinngheta'n goal hnih a khung a, Mizoram Police-in goal an khung ve lo. Isaac hi MPL club Luangmual FC tan te pawha inlan tawh ṭhin a ni a, Police lam hi an player ṭha tam tak an zin lo thung.

Inkhel hnuhnung zawkah North Gate FC-in Lalremmawia hmangin goal khung hmasa mah se Chhim Veng FC-in Lal­chhandama leh Lalduh­zuala te hmangin an chhang let.

Vawiin hi Group B inlan hun a ni.Lunglei club Bazar Veng leh Kolasib club Project FC an intum ang a, he mi hma hian Siaha club FC College Vaih leh Serchhip club Hmar Veng FC te an inhmachhawn ang.

Vawiin Inkhel Tur
11:00 AM FC College Vaih Vs Hmar Veng FC
01:00 PM Bazar Veng FC Vs Project FC
Nimin Inkhel Results
Group A
Mizoram Police 0 - 4 Bethel FC
BET : Kaleba Lalnunhlima 33'; C Lalremruata 36'; Isaac Lalrinngheta 78', 85'
Chhim Veng FC 2-1 North Gate FC
CHH : Lalchhandama 26'; Lalduhzuala 85'
NOR : Lalremmawia 5'