India aiawh tur Zakhuma & Jeremy

International Weight­­lifting Fede­ration Youth World Weight­lifting Cham­pionship chu April 3-10 chungin Thailand khawpui Bangkok-ah neih a ni dawn a, India aiawh turin Mizo rawlthar duhawm pahnih Jeremy Lalrinnunga leh Zakhuma te chu 56 kg category-ah an inlan dawn.

Army Boys Institute, Pune-a training nei lai Jeremy hian nikum khan Sub-Junior National Cham­pionships-ah gold a la a, International Cham­­pion­ships lamah pawh Jeremy hian Com­mon­wealth Youth-ah gold lain World Youth leh Asian Youth-ah te silver medal a la bawk.

Govt. Complex nau­pang Zakhuma hian nikum khan National Sub Junior-ah silver medal a la ve bawk. IWF World Youth hi nakkum October thlaa neih tur Youth Olympic Games-a inlan tur zawnna a ni nghal dawn.

India aiawh tur thlan­na hi February 20 khan Patiala, Punjab-ah neih a ni a, Jeremy hian Snatch 111kg, Clean & Jerk 133kg, total 244kg a chawi a; Zakhuma hian Snatch 102kg, Clean & Jerk 128kg, total 230kg a chawi ve bawk.