Judo-ah Mizoramin medal la

Senior National Judo Championship, 2017 chu February 25-27 chhung khan Jawaharlal Nehru Stadium, Chennai-ah neih niin Zemabawk North nula Lalhumhimi chuan 52kg category-ah Mizoram tan bronze medal a la. Lalhumhimi hi kum 2016 USAM Most Promising Player chawimawina dawng tawhtu kha a ni.

Mizoram team hi coach F Vanlalruala leh manager Dominic Lal­remsiama ten an hruai a, inelna neihna hmunah hian Judo Federation of India (JFI) Executive meeting neih nghal niin - joint secretary R Vanlalduata chu a tel bawk.