Maharashtra Open an sawn

India rama tennis inelna ngaihhlut Maharashtra Open leh Bangalore Open Challenger te chu a hun pangngaiah khelh theih a ni dawn lo a, tournament khelh hun hi sawn a ni.

Inelna hi nakkum February thlaa neih tur a ni a, hard court inelna lian Australian Open khelh zawh hnuah khelh a ni ṭhin. Nakkum atan a hun sawn ni mah se, an sawn hun tak tihchian theih a la ni lo thung.

Tournament director Prashant Sutar chuan, "ATP hnenah inelna sawn kan duh thu kan thlen tawh, an pawm ngei pawh kan beisei, tournament khelh hun tur erawh kan la tifel thei lo," tiin mipa tennis thuneitu hnenah thu an thlen tawh thu a sawi chhuak.