Club hlui hmachhawn tur Chhawnkima?
I League club Mumbai FC-in nimin khan Mizoram an rawn thleng. Mumbaikars hian Inrinni tlai dar 2:05 khian RG Stadium-ah Aizawl FC an hmachhawn dawn a; Santosh Kashyap chuan player 20 hruaiin Mizo tlangval Lalchhawnkima leh player thar Baljit Sahni te an tel.
Season liam taa Aizawl FC defender rinrawl Chawnkima hian season ṭan tir match hmasa pahnihah khel tluanin Mumbai FC-in hnehna an chang ve ve a, match thumnaah champion lai Bengaluru FC hmachhawnin Champhai tlangval inhliam hnuah Mumbaikars-in goal thum an chhuah. Chhawnkima hi Mumbai FC match hnuhnung pasarihah inhliam vangin squad-ah a awm lo a, Santosh Kashyap-a hoten chak hmel an hmu lo.
Tun ṭumah hian Champhai tlangval Chhawnkima hi squad-ah a awm ang em tih a la hriat loh. Mumbai FC hian Aizawl FC an mikhual ṭumin 0-1 in an hneh lo a, hemi ṭum hian Trinidadian midfielder Densill Theobald chiah an squad-ah foreigner a nei a, tun ṭumah erawh foreigner pali an nei tawh.
Amaherawhchu Mumbai FC hian match hnuhnung pathumah goal an khung tawh lo a, India striker zinga tawnhriat nei ṭha Baljit Sahni an lalut. Punjabi striker hian JCT-ah bul ṭanin East Bengal-ah a hun tam zawk a hmang a, ISL-ah Atletico de Kolkata tan a khel bawk. Kum 30-a upa striker Baljit hian Mumbai FC-in Minerva Punjab an draw zawh aṭangin training a zawm ṭan a ni.
AFC hmachhawn tur Mumbai FC
J No. Hming Postion
28 Laxmikant Kattimani Goalkeeper
30 Patil Sukhadev Shivaji Goalkeeper
31 Lalchhawnkima Centre Back
5 Djelaludin Sharityar Centre Back
26 Mehrajuddin Wadoo Centre Back
13 Asheer Akhtar Centre Back
12 Reagan Singh Right Back
27 Clyde Fernandes Left Back
33 Munmun Timothy Lugun Left Back
21 Densill Theobald Attacking Midfielder
10 Alex Willian Silva Attacking Midfielder
6 Shilton Sydney Dsilva Centre Midfielder
15 Pratesh Shirodkar Defensive Midfielder
16 Chinta Rao Chandrashekar Defensive Midfielder
11 Khangenbam Thoi Singh Right Winger
29 Nikhil Kadam Left Winger
14 Victorino Fernandes Striker/Winger
9 Anderson Raimundo Da Silva Striker
7 Karan Sawhney Striker
Baljit Sahni Winger/Forward