Warriors star Durant a hliam

Golden State Warriors tana NBA regular season kal meka point score hnem ber ni lai Kevin Durant chuan a khupah hliam a tuar a, MRI scan tih tur niin he thu buatsaih lai hian result kan hre hman lo.

Nimin zing khan Golden State Warriors hian Washington Wizards chu 112-108 in an hneh lo a, Durant hian court chhungah minute khat bak hun a hmang hman lo.

American star Durant hian season riat zet Okla­homa City Thunder tan a khel a, Thunder tan a a khelh lai hian MVP atan vawi li ngawt thlan hman niin tunah hian NBA chanchinah point score hnem palina a ni mek. Tun season ṭan dawn khan 2014 NBA Most Valuable Player Durant hian Warriors a zawm a, an inremna zat hi pound maktaduai 43.9 vel nia sawi a ni.

Warriors coach Steve Kerr chuan, "Engtiang chiaha na nge a nih kan la hre thei lo a, endik a nih hnuah a chawlh chen tur a chiang ang. Hliam na tak a nih loh kan duh a, dam leh thuai turin duhsakna kan hlan," a ti.

Golden State hian regular season kal mekah match 50 hnehna an chang tawh a, ṭum kua chak loh an nei thung. Nikum NBA Finals-a chak lo team hi kuminah playoff khel turin an tling tawh.