MSL an Tip Off ta

Tualchhung basketball inelna lian ber - Mizoram Super League (MSL) season 7 chu an khuh hawng ta. Ningani zan khan Vaivakawn Branch Cultural Centre-ah Zonet chairman K. Sapdanga'n a 'Tip Off' a ni.

MSL 7 hi June 1, Nilaini zan aṭangin R. Dengṭhuama Indoor Stadium, Mualpuiah khelh ṭan a ni dawn, Tualchhung volleyball team ṭha paruk - Zarkawt BCA, Khatla TBL, Tuikual South, Chanmari Vikings, Chawnpui leh Mission Veng Hotshots te an inkhel ang.

League round khelh hmasak a ni dawn, vawi hnih ṭheuh an inkhelh kual hnuah point hmusang pali ten 'Play In' an khel ang, chumia a chak pahnih chuan MSL Finals an lut dawn, champion hi best of three series hmanga chak zawk zawn tur a ni dawn.

Point hmu hniam ber an thla nghal dawn a, semifinal lut phak lo mah se pangana erawh an inhamtang thei ang. Team an intiat tawk hlawm a, league match hmasa ber aṭangin a pawimawh nghal dawn a ni.

MSL team paruk zinga panga ten state pawn player an ziak lut vek, dan anga hei hi phal a ni. Chawnpui erawhinin Mizo player hlangin an khel dawn, player ṭha rual zinga team ti chak zual thei an neih loh chuan midang elphak a harsa deuh mai thei.

Tualchhung volleyball inelna lian berah Khatla TBL chu champion hmasa ber niin, a hnuah Mission Veng Vikings an champion. Tun hnai season thumah erawh Lalrina Renthlei awmna Zarkawt BCA elphak an awm lo - kuminah erawh Vikings leh TBL ten BCA elphak an tum ang.

MSL 7 Fixtures
June 1, Nilaini
Chanmari Vikings 08:00 PM MSV Hotshots
June 2, Ningani
Tuikual South 08:00 PM Chawnpui
June 3, Zirtawpni
Khatla TBL 08:00 PM Zarkawt BCA
June 4, Inrinni
MSV Hotshots 08:00 PM Tuikual South