Asian championship khel turin Mizo pathum

Asian Taekwondo Championship chu June 24-27 chhung hian South Korea-ah khelh a ni dawn. Inelna hmachawn tur hian Mizo player pathum Lalthlamuanpuia, Venghlui, Daniel Lalhumthanga, Chhinga Veng leh H .Vanlalfela, Armed Veng South te chu poomsae khel tura thlan an ni.

Mizo player pathum hian Regular Team Poomsae-ah an khel ang. H. Vanlalfela hi freestyle individual poomsae khel tura thlan a nih angin India tan a inlan bawk ang.

India aiawh tur thlanna hi Lucknow UP-ah May 20-26 chhung khan neih a ni a. Selection committee member a ruat a nih vangin master Joseph Thansanga, Electric Veng pawh a hmunah hian a awm.

India aiawh turte hi kyorugi (fight) ah player 16 leh poomsae-ah player 10 thlan an ni.