Inter School Chess C'ship

Mizoram Chess Association leh Mizo Zirlai Pawl te ṭangkawp chuan June 8-9, 2022 chhung hian Synod Conference Centre, Aizawl-ah 9th Mizoram Inter School Chess Championship 2022 an buatsaih dawn.

Inelna hi category pali Higher Secondary (Class XI & XII), High School (Class IX & X), Middle (Class V - VIII) leh Primary (Class IV hnuai lam) ah te ṭhen hrang a ni. Entry fee hi school pakhat tan Rs 300 a ni a, MZP Office, Treasury Square-ah June 3, 2022 thleng a pek theih.

Category tinah mimal lawmman a awm ang a, heng bakah hian school tel ṭha ber, school discipline nei ṭha ber, player naupang ber leh hmeichhe chess thiam ber te thlan a ni bawk ang.